• Osmanlı ordu ve donanmasının muhtelif cephelerde ve özellikle 18 Mart 1915'te Çanakkale'de gösterdikleri üstün başarılardan dolayı Padişah’a "gazi" unvanı verilmesi
Bâb-ı Âlî Meclis-i Mahsus
Devlet-i Aliyyelerinin Rusya ve İngiltere ve Fransa devletleriyle hâl-i harbe girdiği zamandan beri ordu ve Donanma-yı Hümâyûnlarının bi-avnihî te‘âlâ mevâki‘-i muhtelifede ihrâz ettikleri muvaffakiyât-ı müte‘addide ve bilhassa 5 Mart sene 1331 tarihinde vukû‘ bulmuş olan Çanakkale muzafferiyyet- i azîmesi nâm-ı me’âlî-ittisâm-ı cenâb-ı Padişahîlerine "gazi" unvân-ı mefharetinin bi-hakkın izâfesini icab eden gazavât-ı celîleden bulunmuş ve ol bâbda makâm-ı iftâdan sâdır olan fetvâ-yı serîfe zât-ı sevket-simât-ı hazret-i hilâfet-penâhîlerine ref‘ ve i‘lâ kılınmış olmakla ecdâd-ı i‘zâm-ı sehriyârîlerine imtisâlen unvân-ı celîl-i mezkûrun nâm-ı hümâyûnlarına terdîfen isti‘mâline müsaade-i seniyye-i Padişahîleri şeref-erzân buyurulmak bâbında ve kâtibe-i ahvâlde emr u fermân hazret-i veliyyü'l-emr efendimizindir. Fî 10 Cumâdelâhire sene 1333 - Fî 12 Nisan sene 1331 / 25 Nisan 1915 (Meclis-i Mahsus-ı Vükelâ azâlarının imzaları)
Ordu ve Donanma-yı Hümâyûn'un bidâyet-i harbden beri bi-avnihî te‘âlâ mevâki‘-i muhtelifede ihrâz eylediği muvaffakiyât-ı adîde ve bilhassa Çanakkale'de iktisâb ettiği muzafferiyât-ı azîmeye binâen nâm-ı me’âlî-ittisâm-ı cenâb-ı Padisahîye "gazi" unvân-ı mefharetinin izâfesi hakkında sâdır olan fetvâ-yı serîfenin irsâliyle ol bâbda istid‘â-yı müsaade-i seniyye-i hazret- i mülûkâneyi mutazammın 10 Cumâdelâhire sene 1333 tarihli Meclis-i Vükelâ mazbatası lede'l-arz manzûr-ı âlî olmuş ve cenâb-ı kâdir-i mutlakın eltâf-ı sübhânesine hamd ü senâ buyurularak ber-mûceb-i istîzân icrâ-yı icabına müsaade-i seniyye-i cenâb-ı hilâfet-penâhî şeref-sâdır olmuş olmakla. O bâbda. 12 Cumâdelâhire sene 1333 – 14 Nisan sene 1331 / 27 Nisan 1915 BOA, MB. Ğ, 180/77
Çanakkale Müzesi
Sitede yayınlanan her türlü yazı, haber, resim, şiir, müzik ve videonun izinsiz kullanılması, yayınlanması yasaktır.