• Çanakkale'den nakledilen halkın nakliye masrafı olarak Hilâl-i Anonim Şirketince talep edilen paranın ödenmesi
Meclis-i Vükelâ Müzâkerâtına Mahsus Zâbıt Varakasıdır Hulâsa-i Meâli
Ahvâl-i hâzıra sebebiyle Çanakkale'den sevâhil-i karîbeye sevk olunan ahalinin vapur navlu olarak Hilâl Anonim Şirketince taleb olunan meblağ hakkında Dahiliye Nezâreti'nin 13 Nisan sene 1331 tarihli ve 150 rakamlı tezkiresi okundu.
Kararı :Mezkûr tezkirede beyân olunduğu üzere Çanakkale'den sevâhil-i karîbeye naklolunan fukarâ-yı ahalinin vapur navlu olmak üzere şirket-i mezkûrece taleb edilen bin altı yüz seksen üç kurusun masârıf-ı gayr-ı melhûza tertibinden tesviyesi münasib göründüğünün Maliye Nezâreti'ne is‘ârı ve Dahiliye Nezâreti'ne malûmât i‘tâsı tezekkür edildi. 13 Cumâdelâhire sene 1333 - 15 Nisan sene 1331 / 28 Nisan 1915 (Meclis-i Vükelâ azâlarının imzaları) BOA, MV, 197/105
Çanakkale Müzesi
Sitede yayınlanan her türlü yazı, haber, resim, şiir, müzik ve videonun izinsiz kullanılması, yayınlanması yasaktır.