İngilizlerin hastane ve hastane gemilerini bombaladıklarından bu gibi devletlerarası savaş hukukuna aykırı hareketlere devam etmeleri halinde sivil ve asker İngiliz esirlerine misillemede bulunulacağı / İngilizlerin, hastane ve sargı merkezlerinin vurulmasını istedikleri yolundaki emrin bir suretinin gönderildiği
Bâb-ı Âlî Hariciye Nezâreti Umûr-ı Siyasiye Müdüriyet-i Umum iyesi Hulâsa: İngilizlerin kavâ‘id-i düveliye hilâfına hareketlerinden dolayı İngiliz üserâsına olunacak muamele Ordu-yı Hümâyûn Başkumandanlığı Vekâlet-i Celîlesi'ne Devletli efendim hazretleri 2 7 Nisan sene 1331 tarihli ve 1048 numaralı tezkire-i aliyyeleri cevabıdır. İngilizler, Çanakkale muharebât’ı esnasında, kavâ‘id ve ta‘ahhüdât-ı düveliye hilâfına Maydos kasabasını ve o meyânda Hilâl-i Ahmer bayrağını çekmiş olan hastaneyi topa tuttuklarından fî mâ-ba‘d gerek hastanelerimize gerek Marmara'da sefer eden hastane gemilerimize taarruz vukû‘unda elimizdeki sivil ve asker İngiliz üserâsı hakkında bi'l-mukabele en sedîd tedâbîr ittihâzından geri durulmayacağı zâten evvelce Amerika sefirine ihtâr edilmiş idi. Sefir-i müsârunileyh nezdinde tekrar tesebbüsât icrâsına lüzum olup olmadığı takdir edilmek üzere İngiliz veya Fransızların bu yolda insâniyet ve mukâvelât-ı beyne'l-milel kavâ‘idine muhâlif tecâvüzâtları tekerrür edip etmediğinin ve sıkk-ı evvelde keyfiyâtının is‘ârına himmet buyurmaları mütemennâdır, efendim. Fî 11 Receb sene 1333 ve fî 12 Mayıs sene 1331 / 25 Mayıs 1915 Hariciye Nâzırı
Bâb-ı Âlî Hariciye Nezâreti Umûr-ı Siyasiye Müdüriyet-i Umum iyesi Kayıd Numarası: 6790/267 Hulâsa: Çanakkale'de Düşmanın kavâ‘id-i düveliye hilâfına harekâtı Ordu-yı Hümâyûn Başkumandanlığı Vekâleti'ne
26 Nisan ve 10 Mayıs sene 1331 tarihli ve 1408 ve 1086 numaralı tezâkir-i aliyyelerine cevabdır: İngilizlerin Çanakkale muharebâtı esnasında kavâ‘id ve ta‘ahhüdât-ı düveliye hilâfına Maydos kasabasını ve o meyânda Hilâl-i Ahmer bayrağı çekmiş olan hastaneyi topa tuttuklarından düşman tayyârelerinin Hilâl-i Ahmer isarâtı bulunan hastane çadırlarını bomba atarak tahrib etmelerinden dolayı Amerika Sefâreti'ne tebligât-ı lâzıme icrâ ve elimizdeki İngiliz ve Fransız üserâsı haklarında tedâbîr-i sedîde tatbîk ve icrâsına başlanacağı inbâ olunmusdur. Ancak düşman tarafından ısdâr olunup elde edilen ve bilhassa hastane ve sargı merkezlerine endâht yapılması tavsiyesini hâvî olan emr-i yevmîsi gayet mühim olduğundan, buna istinâden Sefâret'e tebligât-ı mütemmimede bulunabilmek üzere mümkün olduğu halde bir sûretinin Nezâret-i senâverâneme irsâl ve bu hususta malûmât-ı mufassala i‘tâ buyrulması mütemennâdır, efendim. 14 Mayıs 1331 / 27 Mayıs 1915
Osmanlı Ordu-yı Hümâyûnu Başkumandanlığı Vekâleti Şube: 7 Numara: 2167/1889 Hariciye Nezâret-i Celîlesi'ne Ma‘rûz-ı çâker-i kemîneleridir 14 Mayıs sene 1331 tarih ve 66227/677 numaralı tezkire-i fahîmâneleri cevabıdır:
Mecrûhîn ictimâ‘ mahallerine ateş edilmesi hakkındaki emir Besinci Ordu-yı Hümâyûn Kumandanlığı'nın fî 20 Nisan sene 1331 tarihli telgraf namesiyle bildirilen düşman telsiz-telgrafından alınarak elde edilmiş olup başka vesika olmadığı beyânıyla arz-ı cevaba mücâseret olunur. Ol bâbda emr u fermân hazret-i veliyyü'l-emrindir. Fî 17 Receb sene 1333 ve fî 18 Mayıs sene 1331 / 31 Mayıs 1915
Başkumandan Vekili Enver BOA, HR. SYS, 2409/53
|