|
Çanakkale'de yaralanıp Tekirdağ Hastanesi'ne yatırılmış bir askerin bacağından çıkarılan İngilizlerin kullandığı domdom kursunu parçalarına ait fotoğraflar ile yine aynı silahlarla yaralanmış olup Gurebâ-yı Müslimîn Hastanesi'nde bulunan askerlerin yaralarının durumunu gösteren raporların takdim edildiği
Osmanlı Ordu-yı Hümâyûnu
Başkumandanlığı Vekâleti
Şube: 2
Numara: 10510/1732
İngilizlerin domdom kurşunları
isti‘mâl eylediğine dair
Hariciye Nezâret-i Celîlesi'ne
Ma‘rûz-ı çâker-i kemîneleridir
Çanakkale Boğazı'nda mecrûh olup Tekfurdağı Hastanesi’nde yatırılan bir Osmanlı neferinin bacağından çıkarılan ve İngilizler tarafından isti‘- mâl edilen domdom kursunu parçalarıyla üçünün alınan iki kıt‘a fotoğrafları leffen arz ve takdim kılınır. Ol bâbda emr u fermân hazret-i veliyyü'l-emrindir.
Fî 7 Mayıs sene 1331 / 20 Mayıs 1915
Başkumandan Vekili
Enver
Domdom kursunu parçaları
Bâb-ı Fetvâ
Daire-i Mesîhat-ı İslâmiye
Mektubî Kalemi
Aded: 16
Hariciye Nezâret-i Celîlesi Cânib-i Sâmîsi'ne
Ma‘rûz-ı dâ‘î-i kemîneleridir ki
Çanakkale'de muhtelif ma‘rekelerde mecrûh olup berây-ı tedavi Gurebâ-yı Müslimîn Hastanesi’ne yatırılan guzât-ı Osmaniyye'den bed-tiynet düşmanlarımızın domdom kursunu gibi vesâit-i vahsiyâneleriyle yaralananlarından birkaç tanesinin nerelerde ve ne sûretle cerîhadâr olduklarını mübeyyin künyeleriyle vesâit-i tahribiye-i mezkûrenin derece-i te’sirâtını musavver alçıdan ma‘mûl eşkâl-i mücesseme, mezkûr hastane sertabâbetinden tevdî‘ kılınmış olmakla memur-ı mahsus vedâ‘atıyla savb-ı âlî-i fahîmânelerine tesyâr olunmusdur. Eskâl-i mezkûreye şöylece bir nazar eylemek âlem-i insaniyetin ne derece hunhar mahlukât-ı sefîlenin tecavüzât-ı zâlimânelerine karsı göğüs germeye mecbur kalmış olduğunu anlamak için kâfî olup hukuk-ı düvel kavâ‘idi ve insaniyet kavânîni ile hiçbir alâkaları olmadığını her bir muameleleri ile isbât eden ve su vahsetleriyle beraber islerine geldikçe medeniyetlerinden bahseylemekden çekinmeyen ve cenâb-ı Kahhâr-ı zû-intikâmın kahr ve azâb-ı sedîd-i ilâhiyesine dûçâr ve muzmahil ve hâksâr olmaları müsted‘ â bulunan gaddar düşmanlarımızın tiynet-i redî’eleri muhibb-i insâniyet olan milel-i mütemeddine nezdinde bir derece daha tevazzuh eylemek üzere bunların düvel-i Müttefika ve Mütehâbbe süferâsına irâ’esi hususuna himem-i celîle-i nezâret-penâhîlerinin sezâvâr buyrulması bâbında emr u irâde hazret-
i men lehü'l-emrindir.
Fî 7 Saban sene 1333 ve fî 7 Haziran sene 1331 / 20 Haziran 1915
Şeyhülislâm ve
Evkâf-ı Hümâyûn Nâzırı
Hayri
Nezâret-i Evkâf-ı Hümâyûn
Gurebâ-yı Müslimîn Hastanesi
Sertabâbeti
Numara
Aded: 791
Kolordu Fırka Alay Tabur Bölük Takım Manga Rütbesi
3 9 26 3 3 3 20 Nefer
Kale-i Sultaniye Sancağı'nın Biga Kazası'nın Elmalı köyünden Dülgeroğulları'ndan
Mehmed oğlu Sadık
Tevellüdü: 1300
Duhûlü: Fî 23 Nisan sene 1331
Domuzburnu' ndan
Sâk-ı-eyserde cerha-i nâriye (domdom)
Sol sâkın veche-i vahsîsinin kısm-ı mutavassıtından dahil olan domdom kursunu on beş santimetre kadar beyne'l-adale yerden sonra veche-i halefî ve ünsîde beş santimetre kutrunda ve beş santimetreden ziyade umkda dahilî husk-rîse ile memlû cerhden hurûc etmisdir. Yara gayet fena kokuludur.
Fetha-i duhûl bir santimetre kutrunda ve kapanmış gibidir.
Nezâret-i Evkâf-ı Hümâyûn
Gurebâ-yı Müslimîn Hastanesi
Sertabâbeti
Numara
Aded: 766
Kolordu Fırka Alay Tabur Bölük Takım Manga Rütbesi
3 7 19 2 2 3 6 Onbaşı
İzmir Vilâyeti'nin Aydın Sancağı'nın Nazilli Kazası'nın Sultanhisar Nahiyesi'nin Eskihisar karyesinden Koca Haliloğulları'ndan Ahmed oğlu Mehmed
Tevellüdü: 1307
Duhûlü: Fî 23 Nisan sene 1331
Seddülbahir' den
Nahiye-i kataniye-i eyserde cerha-i nariye (domdom)
Nahiye-i kataniyenin kısm-ı vahsîsinden girip hâzıra-i yüsrâsında altı yedi santimetrelik bir ziyâ‘-ı maddî ile hurûc etmisdir.
Nezâret-i Evkâf-ı Hümâyûn
Gurebâ-yı Müslimîn Hastanesi
Sertabâbeti
Numara
Aded: 822
141
Kolordu Fırka Alay Tabur Bölük Takım Manga Rütbesi
5 15 45 1 2 1 7 Onbaşı
Ankara Vilâyeti'nin Çorum Sancağı'nın Tepecik Mahallesi'nden Hüseyin oğlu İbrahim
Tevellüdü: 1308
Duhûlü: Fî 26 Nisan sene 1331
Seddülbahir' den
Sâk-ı eyserde cerha-i nâriye (şarapnel, domdom)
Sâkın veche-i ünsîsinin kısm-ı ulvîsinden girmiş, veche-i vahsîsinin kısm-ı mutavassıtından çıkmış büyük ziyâ‘-ı maddî yapmısdır.
Nezâret-i Evkâf-ı Hümâyûn
Gurebâ-yı Müslimîn Hastanesi
Sertabâbeti
Numara
Aded: 901
Kolordu Fırka Alay Tabur Bölük Takım Manga Rütbesi
2 5 13 3 12 - -
Yazıcı serçavuş
Kale-i Sultaniye Sancağı'nın Biga Kazası'nın Sarıkaya karyesinden İsmail oğlu Abdulhalim
Tevellüdü: 1307
Duhûlü: Fî 7 Mayıs sene 1331
Arıburnu'ndan
Adud-ı eyserde cerha-i nâriye (domdom)
Adudun veche-i vahsîsinin kısm-ı ulvîsinde fetha-i hurûcunda gayet vâsi‘ ziyâ‘-ı maddî ile terâfuk seyretmisdir.
Nezâret-i Evkâf-ı Hümâyûn
Gurebâ-yı Müslimîn Hastanesi
Sertabâbeti
Numara
Aded: 948
Kolordu Fırka Alay Tabur Bölük Takım Manga Rütbesi
2 5 1 1 4 2 10 Onbaşı
Bursa Vilâyeti'nin Aziziye Kazası'nın Celâliye karyesinden Berberoğulları'ndan
Ali oğlu Mustafa
Tevellüdü: 1304
Duhûlü: Fî 10 Mayıs sene 1331
Arıburnu' ndan
Sâk-ı eyserde cerha-i nâriye ma‘a-kesr-i azm (domdom, kursun)
Sâkın veche-i ünsîsinden girmiş ve veche-i vahşî ve kudâmîsinden vâsi‘an ziyâ‘-ı maddî ile hurûc etmisdir.
Nezâret-i Evkâf-ı Hümâyûn
Gurebâ-yı Müslimîn Hastanesi
Sertabâbeti
Numara
Aded: 1008
Kolordu Fırka Alay Tabur Bölük Takım Manga Rütbesi
2 5 13 2 7 1 5 Nefer
Kastamonu Vilâyeti'nin Taşköprü Kazası'nın Seki karyesinden Hacı Ahmedoğulları'ndan
Hasan oğlu Halil
Tevellüdü: 1296
Duhûlü: Fî 22 Mayıs sene 1331
Kabatepe' den
Sayvân-ı üzn-i eymen ve nahiye-i ketfiyede cerha-i nâriyeli (domdom), cerha-i nâriye-i sâ‘id-i eymen ma‘a-kesr-i azm-ı sâ‘idin veche-i halefîsinde vâsi‘ bir cerha mevcud olup azm-i ka‘bda kesre dûçâr olmusdur.
BOA, HR. SYS, 2182/1
|
