ANA SAYFA     HAKKIMIZDA     MÜZE     ŞEHİTLERİMİZ     DOKÜMAN ARŞİVİ     FOTOĞRAF ARŞİVİ     GEZİ     YAZARLARIMIZ     İLETİŞİM  
 
  Müze  
  1. Dünya savaşı  
  İtilaf Dev. Savaş Planları  
  Ordular  
  Savaşa Girmemiz  
  Komutanlar  
  Çanakkale Savaşı  
  Deniz Savaşları  
  Hava Savaşları  
  Kara Savaşları  
  Cephede Koşullar  
  Gaz Kullanıldı mı?  
  Savaşın Sonuçları  
  Savaşın Etkileri  
  Çanakkale ve Yahudiler  
  Şehitlerimiz  
  Gazilerimiz  
  57. Alay Tarihi  
  Asker Mektupları  
  Anzaklar  
  Arşivlerde Çanakkale  
  Çanakkale Gençlik ve Sporcular  
  Asker İmamlar  

Sitede Ara


 

Arşivlerde Çanakkale

« Geri   
• Bandırma'da oturan Mösyö Mathieu Sommet'nin düşman gemileriyle gizlice isaretlesip onlara yardım ettiği iddiasıyla
Bandırma'da oturan Mösyö Mathieu Sommet'nin düşman gemileriyle gizlice isaretlesip onlara yardım ettiği iddiasıyla


Divan-ı Harb'de yargılanması
Bâb-ı Âlî
Dahiliye Nezâreti
Emniyet-i Umumiye Müdüriyeti
Derkenâr sûreti
Bandırma sahiline gelip erzak ve saire almıs olan nakliyât-ı askeriye vapurlarının tam hamûlesini aldığı ve harekete müheyyâ bulunacağı bir sırada düsman tahtelbahiri tarafından taarruz edildiğinin birkaç defa tekerrür etmesi ve bu cümleden olmak üzere iskelede bulunan ve iki haftadan beri hamûle almakda bulunan müteheyyi-i hareket büyük Alman vapuruna 19 Mayıs sene 1331 günü tahtelbahir tarafından torpil atılması bunun dahilden bir muhbiri olmak ihtimali Hükûmetce nazar-ı dikkate alınmıs, icrâ edilmis olan tahkikât ve tarassudât üzerine geceleri mûmâileyh Sommet'nın memleketin en mürtefi‘ mahallinde bulunan hânesinden denize doğru bir takım âlât-ı ziyâiyye ile isaretler verilmekde olduğu verdiği aynı isaretlerin hânesi istikâmetinde bulunan mahallerden ve sath-ı bahrdan teâtî kılındığı ihbâr ve 25 Mayıs sene 1331 tarihinde Hükûmet'in tanzim eylediği Polis ve Jandarma Dairesi tahkikât evrakı usulen Hey’et-i Tahkikiye'ye tevdî‘ ve mûmâileyhin hânesinde icrâ kılınan taharriyâtda elsine-i ecnebiyeden bir takım evrak da i‘tâ kılınmakla tahkikât-ı kanuniyyesine sürû‘ ve fî 30 Mayıs sene 1331 tarihinde bi'l-isticvâb hakkında tevkif müzekkiresi i‘tâ ve isarât-ı mezkûre muhteviyâtı hakkında muhbirlerden istîzâh-ı mes’ele olundukda isarât-ı mezkûreden bir geceye aid isarâtın muhteviyâtı heliyosta muhaberâtına müsâbih bir takım hurûfât ile kelime tesekkül etdiği ve bunun tamamen zabt olunamadığı bildirilmis ve binâenaleyh evrak-ı muhavvelenin tercüme ve tedkiki için bir hayli vakit mütekaddim müzekkirelere cevab alınamadığından makam-ı riyâsetin tensîbiyle mütekâ‘idîn-i askeriyeden Fettah Bey ile Depo Taburu Mülâzım-ı Evveli Abdullah Efendi'ye tercüme etdirilmis ve 30 Haziran'da tahkikât hitâm bulmus ise de Mösyö Sommet'nin hânesinin taharrî olunduğu gün Hükûmetçe Bank Direktörü Fransa tebaasından Raul Ruboli ile Sommet arasında bir irtibat görmesinden direktörün de hânesi taharrî edilmis, oradan da bir takım evrak havale olunarak bunun hakkında da vukû‘ bulan taleb ve iddia üzerine Ruboli'ye aid evrak da bi'l-muhabere vürûd etmis olan Bursa Vilâyeti Tercümanı Kigork Efendi'ye tercüme etdirilmis, 14 Temmuz sene 1331 tarihinde bu muamele de hitâm bulmus olmakla nihayet kırk bes gün zarfında tahkikât hitâm bulmus olduğundan evrak-ı dava 15 Temmuz sene 1331 tarihinde esas maddenin beyân-ı mütâlaası zımnında Müdde‘î-i Umumîliğe verilmis olduğu kayden arz olunur.
16 Temmuz sene 1331 / 29 Temmuz 1915
Bandırma Divan-ı Harb-i Örfî
Hey’et-i Tahkikiye Riyâseti

Bugün evrakın mütâlaası hitâma erdiği sûretde lüzum-ı muhakeme kararıyla evrak-ı dava mahkemeye tevdî‘ olunacağı ve binâenaleyh bir hafta veyahud on gün zarfında muhakemenin hitâmıyla neticeleneceği ve mes’ele Hey’et-i Tahkikiye'nin beyânı vechile olduğunun arzıyla huzûr-ı âlî-i kaymakamîye iade ve takdim olunur.

Fî 16 Temmuz sene 1331 / 29 Temmuz 1915
Müdde‘î-i Umumî Mathieu Sommet'nın hânesi penceresinden geceleri denize doğru câlibi nazar-ı dikkat bir ziyânın intisâr etmekde olduğu istihbâr kılınmakla hakikaten te’sir-i hava ile pencere perdesinin ihtizâzâtından inbi‘âs etmeyip de her halde bir maksad-ı hiyanetkârî yolunda isarât ve muhaberâtda bulunulduğu anlasıldığı sûretde fâilinin cürm-i meshûd hâlinde yakalanması esbâbı istikmâl kılınmak üzere iki polis devriyesi tertibiyle tarassudât ve tecessüsât-ı muktezîye yapdırılarak gerçi cürm-i meshûd hâlinde derdest olunamamıs ise
de mûmâileyhin düsman tahtelbahiri ile muhaberât-ı ziyâiyede bulunduğu hakkındaki ihbarât tevâtür derecesine vâsıl olduğu gibi iki vapurun hamûlesini alarak hareket edeceği bir zamanda ma‘rûz kaldıkları taarruzât dahilde bir muhbirin mevcudiyetine ihtimal verdiğinden mûmâileyh ihbarâta müstenid zabıt varakası ve inde't-taharrî hânesinde zuhur eden evrakıyla Divan-ı Harb-i Örfî'ye tevdî‘ kılınmıs idi. Binâenaleyh mûmâileyhin dost bir devlet tebaası olduğu ayrıca nazar-ı itibara alınarak ihbârât-ı vâkı‘a ve evrak-ı mevdû‘ anın tesrî‘-i tedkik ve rü’yetiyle cürmü tahakkuk etdiği takdirde tahdîd-i cezası ve aksi sûretde uzun müddet mevkûfiyetine meydan bırakılmaması hususu icab edenlere defa‘âtle tebliğ olunmus ise de Divan-ı Harb Hey’et-i Tahkikiyesi isbu tebligâtla gûyâ hükûmet-i mülkiyenin mûmâileyhi tesâhub etmek istediği zehâbına kapılarak isi henüz neticelendirmemisdir. Husûl-i malûmât zımnında huzûr-ı âlî-i mutasarrıfîye takdim.
Fî 19 Temmuz sene 1331 / 1 Ağustos 1915
Kaymakam
Nizameddin

Bâb-ı Âlî
Dahiliye Nezâreti
Emniyet-i Umumiye Müdüriyeti
Hususî: 851
Hariciye Nezâret-i Celîlesi Cânib-i Âlîsi'ne
Ma‘rûz-ı çâker-i kemîneleridir

9 Ağustos sene 1331 tarihli ve 1115-70002 numaralı tezkire-i celîleleri cevabıdır:
Mathieu Sommet hakkında Bandırma Divan-ı Harb-i Örfî Hey’et-i Tahkikiye Riyâseti ve Müdde‘î-i Umumîliği'yle Bandırma Kaymakamlığınca yazılan derkenârlar sûreti leffen takdim kılınmısdır. Mütâlaasından da müstebân buyurulacağı vechile mûmâileyhin muhakemesi henüz neticelenmemisdir. Keyfiyet Karargâh-ı Umumî'ye de arz edilmisdir.
Ol bâbda emr u fermân hazret-i veliyyü'l-emrindir.
Fî 17 Sevval sene 1333 ve fî 15 Ağustos sene 1331 / 28 Ağustos1915
Dahiliye Nâzırı
Talat
BOA, HR. SYS, 2412/71
Çanakkale Müzesi
 
 

Sitede yayınlanan her türlü yazı, haber, resim, şiir, müzik ve videonun izinsiz kullanılması, yayınlanması yasaktır.

 

Tasarım & Programlama ÜÇBOYUT