|
Kale-i Sultaniye'de Osmanlı kıta‘âtı üzerine Müttefik kuvvetleri uçakları tarafından atılan bir bildiride Osmanlı esirlerinin Mısır'da rahat bir hayat sürdükleri ve kendilerine son derece uygun istirahat imkânlarının sağlandığının belirtildiği Kale-i Sultaniye Cephesi'ndeki Kıta‘ât-ı Osmaniyye üzerine düsman tarafından tayyâre vâsıtasıyla atılan varakalardan bir nüshadır.
Osmanlı üserâsı Kahire'den birkaç mil uzak Miadi nâm mahalde gayet muntazam ve müferreh bir bahçede ikâmet ediyorlar. Üserâ-yı merkûme fevkalâde rahat olup ikâmet eyledikleri kargir daire gayet havadârdır ve elektrik ile tenvîr edilmis ve hıfzu's-sıhhaya muvâfık bulunmus olduğu gibi her biri için ayrı ayrı yataklar da tahsis edilmisdir. Üserânın te’min-i iâselerine fevka'l-gâye dikkat ve itina olunmakda ve cümlesine yegân yegân tabak derûnunda yemekler verilmekde olduğu gibi her gün sigaralar, sabun, sair havâic-i zarûriyeleri dahi i‘tâ ve tevzî‘ edilmekdedir. Sultan hazretleri basmâbeyncisi vâsıtasıyla üserâya sigaralar, sekerlemeler, atiyyeler ihsân ve irsâl ve tevzî‘iyle üserâ-yı merkûmeyi taltif ve tatyîb
buyurmuslardır.
Üserâ-yı merkûme âdet-i milliyeleri vechile sazlar ve sâzendeler tedârik ve tertib edilerek zamanı hos geçirmek için 9-10'uncu resimlerde gösterildiği üzere her gün eğlenmekdedirler.
Üserâ-yı merkûmeye Mısırlı dostları tarafından sazlar, satranç ve sair oyun takımları hediye olunmusdur.
Üserâyı ziyaret için her gün müracaat eden züvvârın kabulüne müsaade edilmekde ve üserâ-yı merkûme ile mülâkat eyleyen isbu züvvârın vizite defterine kayd ve tahrîr eyledikleri hatıradan dahi münfehim olacağı vech üzere üserânın gördüğü muameleden dolayı gerek üserâ ve gerek züvvâr-ı mûmâileyhim memnun olmakda oldukları pekâlâ anlasılıyor.
Üserâ-yı zâbitân için ayrı daireler tahsis edilmis ve mûmâileyhime karyolalar ve battaniye, çarsaflar ve sandalye ve kanape ve masalar ve levâzım-ı saire i‘tâ olunmusdur.
9 Ağustos 1331 / 22 Ağustos 1915
BOA, HR. MA, 1140/22
|
