Devlet-i Aliyye-i Osmaniyye Batavya Bassehbenderliği Aded: 448/23 Melfûf: 4 Hariciye Nezâret-i Celîlesi Cânib-i Sâmîsi'ne Ma‘rûz-ı çâker-i kemîneleridir
10 Rebîülâhir sene 1333 tarih ve 401/4 numaralı arîza-i çâkeriyle vâki‘ olan istirhâm-ı abîdânem üzerine 26, 27, 28, 29, 30 Nisan sene 1915 tarihli telgrafnâme-i sâmî-i cenâb-ı efhamîleri Lahey Sefâret-i Seniyyesi ma‘rifet- i aliyyesiyle bi'l-vüsûl hemen Malay lisânına bi't-tercüme yerli gazeteleriyle nesretdirilmis ve düşmanlarımızın Kale-i Sultaniye ile Gelibolu Sibh-i Cezîresi'nde münhezim oldukları havâdisi beyne'l-İslâm memnûniyet ve mahzûziyet-i vefîreyi müstelzim olmusdur. Düşmanlarımız üzerine gün begün tevâlî eden muzafferiyât’ımıza burhân-ı celî olmak üzere zât-ı akdes-i hazret-i hilâfet-penâh efendimiz hazretlerine Gazi unvân-ı celîlinin ilâvesine dair Hey’et-i Vükelâca vâki‘ olan istirhâm nezd-i sevket-vefd-i hazret-i sehinsahîde lütfen kabul buyurulup ba‘dezîn gazilik unvân-ı celîlinin hutbelerde dahi kırâatı için yarınki Cuma gününden itibaren Batavya'daki câmi-i kebîrde ta‘zîmât-ı lâzıme ile kırâata bed’ ü mübâseret edileceği ma‘rûzdur. Ol bâbda ve her halde emr u fermân hazret-i men lehü'l-emrindir. Fî 26 Receb sene 1333 ve fî 10 Haziran sene 1915 Batavya Başsehbenderi Re’fet Zeyl Harekât-ı harbiyeye dair makâm-ı celîl-i Sadâret-i Uzmâ'dan sefârât-ı seniyyeye kesîde buyrulan telgrafnâmelerin gazeteye derc ettirdiğim dört kıt‘a nüshaları manzûr-ı âlî-i cenâb-ı efhamîleri buyurulmak üzere bu kere leffen takdime cür’et eylerim. Fermân. Re’fet BOA, HR. SYS, 2323/15
|